चितवनमा कांग्रेस उम्मेदवार उमेश श्रेष्ठको गाडी तोडफोड
कात्तिक ३०, २०७९ बुधबार ११:४४:०
चितवन : चितवन क्षेत्र नम्बर २ का नेपाली काङ्ग्रेसका प्रतिनिधिसभा सदस्य उम्मेदवार उमेश श्रेष्ठको गाडीमा तोडफोड भएको छ । चुनावी प्रचारमा रहेको बेला भरतपुर महानगरपालिका- १० पुरानो मेडिकल कलेज नजिक रेडक्रस चोकमा रहेको बा ३ च २०५० नम्बर को गाडीमा तोडफोड भएको हो ।
नेत्रबिक्रम चन्द नेतृत्वको नेकपा चितवनका कार्यकर्ताले गाडी तोडफोड गरेका हुन्। डीएसपी नरहरि अधिकारीले घटनाको छानबिन सुरु गरिएको अन्नपूर्णलाई बताए।
घरदैलो गर्ने क्रममा पार्किङ गरिराखेको गाडिमा मोटरसाइकल चढेर आएका ६ जनाले इँटा प्रहार गरेको गाडीका चालक जितबहादुर रानाले बताए । गाडीको अगाडिको सिसामा क्षति पुगेको छ । भाइजर पनि फुटेको छ । उक्त गाडि अगाडि रहेको प्रदेश ३-०१- २४ च ९०६१ नम्बरको निसानको म्याग्नेट गाडीको सिसा पनि फुटाएका छन् । 
प्रतिक्रिया दिनुहोस !
