ताप्लेजुङ : दुई देशसँग सिमाना जोडिएको ताप्लेजुङमा तीन सिमानाका बन्द गरिने भएको छ ।
जिल्ला प्रशासन कार्यालय ताप्लेजुङले मंसिर १ गते बिहीबार मध्यरातिदेखि मंसिर ४ गते मतदान कार्य सम्पन्न नभए सम्मका लागि नाका बन्द रहने जनाएको हो । निर्वाचन सुरक्षालाई मध्यनजर गर्दै सिमानाका बन्द गरिएको प्रमुख जिल्ला अधिकारी महेशकुमार पोखरेलले जानकारी दिए । नेपालका ७७ जिल्लामध्ये ताप्लेजुङ र र दार्चुलाले मात्र भारत र चीन दुबैलाई छोएका छन् ।
यता तीन दिन जिल्लाभरी मादक पदार्थको बिक्री वितरण तथा सेवन गर्न प्रतिबन्ध गरेको छ । प्रमुख जिल्ला अधिकारी महेशकुमार पोखरेलले प्रतिनिधि तथा प्रदेशसभा निर्वाचन स्वच्छव, निष्पक्ष भयरहित वातावरणमा सम्पन्न गर्न निर्वाचन निर्देशिकाको व्यवस्था अनुसार उक्त निर्णय भएको बताए । निर्णय विपरित कार्य गरे प्रचलित कानुन बमोजिम कारबाही हुने प्रजिअ पोखरेलले जानकारी दिए ।
मंसिर १ गते बिहीबार मध्यरातिदेखि मतदान कार्य सम्पन्न नभए सम्मका लागि जिल्लाभरी कोहिकसै व्यक्तिले कुनैपनि प्रकारको हातहतियार लिएर हिँड्न समेत प्रबन्ध गरिएको प्रशासन कार्यालयले जनाएको छ ।
प्रशासनको सूचना बिपरित कसैले हातहतियार लिएर हिँडेमा कानुन बमोजिम कारवाही हुने प्रशासन कार्यालयले जनाएको छ ।
प्रतिक्रिया दिनुहोस !
