हेटौंडा: मकवानपुर प्रतिनिधिसभा क्षेत्र नम्बर–२ मा लोकतान्त्रिक बाम गठबन्धनका उम्मेदवार विरोध खतिवडाले मतदान गरेका छन् ।
पूर्वस्वास्थ्यमन्त्री एवम् नेकपा एकीकृत समाजवादीका उपमहासचिवसमेत रहेका खतिवडाले हेटौंडा-४ भुटनदेवी स्कुलस्थित मतदान केन्द्रमा बिहान ७:१० बजे मतदान गरेका हुन् ।
उनी क्षेत्र नम्वर-२ का उम्मेदवार भएपनि मतदान भने क्षेत्र नम्वर-१ मा गरेका हुन् ।
मतदानपश्चात अन्नपूर्ण पोष्टलाई प्रतिक्रिया दिँदै खतिवडाले संघीय लोकतान्त्रिक गणतन्त्र र संविधानको रक्षा गर्दै आम नेपाली जनताको हित एवम् समृद्धीका लागि बनेको साझा गठबन्धनको पक्षमा मतदान गरेको बताए ।
त्यस्तै क्षेत्र नम्वर-२ मा नेकपा एमालेका उम्मेदवार महेश वर्तौलाले भीमफेदी-९ स्थित बाख्रा फारम मतदान केन्द्रबाट दिउँसो मतदान गर्ने बताएका छन् ।
प्रतिक्रिया दिनुहोस !
