झापा : झापा ३ मा मतगणना सुरु भएको छ । भर्खरै प्राप्त जानकारी अनुसार अहिले मतपेटिका खोलेर मतपत्र मिलाउने काम धमाधम भइरहेको छ । सर्वदलीय बैठकले बिहान ८ बजेदेखि सुरु गर्ने निर्णय गरे पनि प्राविधिक कारणले मतगणना ढिला भएको थियो ।
झापा ३ मा राप्रपा अध्यक्ष राजेन्द्र लिङदेन र नेपाली कांग्रेस नेता कृष्णप्रसाद सिटौलाबीच कडा प्रतिस्पर्धा भएको आंकलन गरिएको छ । त्यसैले सबैको ध्यान यहाँ केन्द्रित बनेको छ ।
यस क्षेत्रमा ६८ दशमलव २० प्रतिशत मत खसेको छ । जिल्ला निर्वाचन कार्यालय झापाका अनुसार झापा- ३ मा ६६ हजार ०६१ पुरुष र ६५ हजार ३७१ महिला गरी १ लाख ३१ हजार ४३२ मतदाता रहेकोमा ८९ हजार ६३७ मत खसेको हो ।
प्रतिक्रिया दिनुहोस !
