हेटौंडा : मकवानपुरमा मतगणना सुरु भएको छ । बिहान ११ बजेबाट सुरु गर्ने भनिएको मतगणना झण्डै डेढ घण्टा पछि मात्रै सुरु भएको मुख्य निर्वाचन अधिकृतको कार्यालय हेटौंडाले जनाएको छ ।
सुरुमा क्षेत्र नम्बर १ को प्रदेशसभा (क) अन्तर्गत बागमती गाउँपालिका वडा नम्बर ४ को मतगणना भइरहेको छ ।
हेटौंडा–२ स्थित सिद्धार्थ स्कुलमा तारजाली र सिसिटिभी क्यामेरा जडान गरेर मतगणनास्थल व्यवस्थित बनाइएको छ ।
जिल्लाको ३६४ मतदान केन्द्रमा कूल १ लाख ७८ हजार २८२ मत खसेको थियो ।
दुई प्रतिनिधिसभा र ४ प्रदेशसभा रहेको मकवानपुरमा कूल ३ लाख ७३३ मतदाता रहेका छन् । मतदाता संख्याको आधारमा ५९.३ प्रतिशतमात्रै मत खसेको हो ।
प्रतिक्रिया दिनुहोस !
