बेंसीसहर : लमजुङमा सोमबार दिउसो पौने ३ बजेबाट मतगणना सुरु भएको छ। प्रतिनिधिसभातर्फ दुई ठाउँ र प्रदेशतर्फ १/१ ठाउँमा मतगणना गरिएको मुख्य निर्वाचन अधिकृत शिवप्रसाद खनालले जानकारी दिए।
प्रतिनिधिसभातर्फ दुधपोखरी र क्ब्होंलासोथर गाउँपालिकाको मतगणना गरिएको छ। प्रदेश-१ मा दुधपोखरी र प्रदेश-२ मा क्ब्होंलासोथर गाउँपालिकाको मतगणना गरिएको छ।
लमजुङमा ६० दशमलव ५९ प्रतिशत मत खसेको जिल्ला निर्वाचन कार्यालयले जनाएको छ।
कुल मतदाता एक लाख ३३ हजार ५ सय ५९ मत रहेको लमजुङमा ८० हजार ९ सय १७ मत अर्थात् ६० दशमलव ५९ प्रतिशत मत खसेको हो।
जसमा महिलाको ४२ हजार ९३२ मत र पुरुषको ३७ हजार ९ सय ८५ मत खसेको थियो।
लमजुङमा प्रतिनिधिसभामा सत्ता गठबन्धनबाट नेकपा (माओवादी केन्द्र) का महासचिव देवप्रसाद गुरूङ, नेकपा एमालेबाट उपमहासचिव पृथ्वीसुब्बा गुरूङ, राष्ट्रिय स्वतन्त्र पार्टीबाट धर्म केसीसहित ९ जना चुनावी प्रतिस्पर्धामा छन्।
प्रदेश-१ मा नेकपा एमालेबाट जमीन्द्रमान घले, नेपाली कांग्रेसबाट डा. टकराज गुरूङसहित ५ जना प्रतिस्पर्धामा छन्।
प्रदेश-२ बाट नेकपा एमालेबाट कृष्णप्रसाद अधिकारी र नेपाली कांग्रेसबाट भेषबहादुर पौडेलसहित ६ जना चुनावी प्रतिस्पर्धामा छन।
प्रतिक्रिया दिनुहोस !
