कैलाली- ४ मा लेखराज भट्टको अग्रता कायमै
![कैलाली- ४ मा लेखराज भट्टको अग्रता कायमै](https://annapurnapost.prixacdn.net/media/albums/lekhraj-bhatta1_20201008043057_wDeNGqyauX.jpg)
धनगढी : कैलाली निर्वाचन क्षेत्र नम्बर ४ मा नेकपा एमालेका सचिव तथा सुदूरपश्चिम ईञ्चार्ज लेखराज भट्टको अग्रता कायमै छ ।
पछिल्लो मतपरिणामअनुसार भट्टले ८०५७ मत प्राप्त गरेका छन् भने सत्ता गबन्धनका तर्फबाट वीरबहादुर बलायरले ७४२५ मत प्राप्त गरेका छन् । अहिलेसम्म भट्ट ६३२ मतले अग्रस्थानमा छन ।
कैलाली निर्वाचन क्षत्र नम्बर ४ मा गोदावरी र गौरीगंगा नगरपालिका, चुरे गाउँपालिका र मोहन्याल ५ र ९ गरी ३० वडा पर्दछन् । अहिले चुरे गाउँपालिकाका ६ वडा, मोहन्यालको ५ नम्बर वडा, गोदावरीको १, ८ र ९ नम्बर वडाको गणना सकिएको छ ।
गोदावरी, मोहन्याल र गौरीगंगाका २० वडाको मतगणना अझै बाँकी छ । लेखराज भट्ट पूर्वमन्त्री हुन् । उनले २०६४ र २०७४ सालको निर्वाचन यही क्षेत्रबाट जितिसकेका
हुन् भने बलायर यसपाली डोटीबाट यता आएर चुनाव लडेका हुन् ।
बलायर पनि पूवमन्त्री हुन् । उनले २०७० सालको निर्वाचन जितेपछि उनी मन्त्री भएका थिए । डोटी समाजवादीको भागमा परेपछि कांग्रेसका सुदूरपश्चिम प्रदेश सभापति समेत रहेका बलायर कैलाली ४ बाट चुनाव लडेका हुन्। दुवैजनाका बीचमा कडा प्रतिस्पर्धा देखिएको छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)