पाँचथर मतगणना : प्रदेश सभा १ मा एमालेको अग्रता, २ मा माओवादीको फराकिलो मतान्तर
मंसिर ७, २०७९ बुधबार ९:९:०
फिदिम : पाँचथरको प्रदेश सभा १ मा नेपाल कम्युनिष्ट पार्टी (एमाले) का राजकुमार भण्डारीले झिनो मतले अग्रता लिएका छन्।
नेपाल कम्युनिष्ट पार्टी (एकीकृत समाजवादी) का कमल जबेगुसँग पछि पर्दै आएका भण्डारीले पछिल्लो पटक ११ मतले अग्रता कायम गरेका हुन्।
भण्डारीले ७ हजार ४ सय ५७ मत प्राप्त गर्दा जबेगुले ७ हजार ४ सय ४६ मत पाएका हुन्। जवेगु सत्ता गठवन्धनका साझा उम्मेद्वार हुन्।
प्रदेश सभा २ मा माओवादीका आङ्बोको अग्रता
पाँचथरको प्रदेश सभा सदस्य निर्वाचन क्षेत्र २ मा नेपाल कम्युनिष्ट पार्टी (माओवादी केन्द्र) का इन्द्रबहादुर आङ्बो (मौसम) को अग्रता फराकिलो बनेको छ ।
निकटतम प्रतिद्वन्द्धी नेकपा (एमाले) का आइन्द्र सुन्दर नेम्बाङलाई २ हजार ९९ मतले पछि पार्दै आङ्बोले मतान्तर बढाएका हुन् ।
आङ्बोले ८ हजार ४ सय ३४ मत प्राप्त गर्दा नेम्बाङले ६ हजार ३ सय ३५ मत प्राप्त गरेका छन् ।
प्रतिक्रिया दिनुहोस !
