सोलुखुम्बु : एक मात्र निर्वाचन क्षेत्र रहेको सोलुखुम्बुको प्रदेशसभा २ मा एमालेका उम्मेदवार बुद्धिकुमार राजभण्डारी निर्वाचित भएका छन्।
उनले १० हजार १ सय २८ मत ल्याउँदा निकटतम प्रतिद्वन्द्वी बाम लोकतान्त्रिक गठबन्धनका तर्फबाट उम्मेदवार भएका माओवादी केन्द्रका नेता शिवबहादुर बस्नेतले ६ हजार ८ सय १५ मत ल्याएका छन्।
एमालेका राजभण्डारीले उनका निकटतम प्रतिद्वन्द्वी बस्नेतलाई ३ हजार ३ सय १३ मतले पछि पारेका हुन्। कुल १९ हजार ९ सय ४ मत खसेको यस प्रदेशसमा एमालेका राजभण्डारी दोस्रो पटक निर्वाचित भएका हुन्।
उनी यसअघि पनि यो क्षेत्रबाट निर्वाचित भएर १ नम्बर प्रदेशको नेकपा एमालेको प्रमुख सचेतक बनेका थिए। सम्पन्न मतगणनामा जनता समाजवादी पार्टीका उम्मेदवार महेस रानामगरले १ हजार ९०, राप्रपाका प्रेमहरी दाहालले ३ सय ४८, मंगोल नेशनल अर्गनाईजेसनका शान्तिामाया मगरले ८१ मत र नेमकिपाका कमलबहादुर मगरले ९० मत ल्याएका छन्।
प्रतिक्रिया दिनुहोस !
