कम्युनिष्टको विरासद तोड्दै ताप्लेजुङ प्रदेशसभामा खगेनसिं विजयी
मंसिर ८, २०७९ बिहीबार १०:४६:०
ताप्लेजुङ : तीन दशकदेखि नेकपा एमालेले लगातार जित्दै आएको ताप्लेजुङको प्रदेशसभा क्षेत्र (ख) मा नेपाली कांग्रेसका खगेनसिं हाङ्गाम विजयी भएकाछन्। नेकपा एमालेका गोपाल थोप्रालाई १ हजार २४८ को मतान्तरले पराजित गर्दै हाङ्गाम विजयी भएका हुन्।
यहाँ खसेको कुल २१ हजार ८०७ मत मध्ये हाङ्गामले १० हजार ४९६ मत प्राप्त गरे। गोपाल थोप्राले ९ हजार २४८ मत प्राप्त गरेका हुन। मुख्य निर्वाचन अधिकृतको कार्यालयले घोषणा गर्न बाँकी रहेको छ। यस क्षेत्रमा २०४८ यता पहिलो पटक कांग्रेसले आफ्नो जित निकालेको हो।
लगातार जित्दै नेकपा एमालेले रजत महोत्सव मनाएको यो क्षेत्रलाई नेकपा एमालेको किल्लाका रुपमा लिने गरिएको थियो। यहाँ २०४८ र २०५१ सालमा अम्बिका साँवा, २०५६ सालमा ओमप्रकाश ओझा, २०६४ र २०७० मा डम्बरध्वज तुम्बाहाम्फे तथा २०७४ सालमा टंक आङ्बुहाङ निर्वाचित भएका थिए ।
यता प्रदेशसभा क्षेत्र क को मतगणना जारी छ। यहाँ नेकपा एमालेका तिलकुमार मेन्याङ्बो झण्डै १ हजारको मतान्तरले अघि रहेकाछन्। निकटतम प्रतिद्धन्द्धी नेकपा एसका खेमबहादुर वनेम रहेकाछन्।
प्रतिक्रिया दिनुहोस !
