काभ्रे : काभ्रे जिल्लाको प्रतिनिधि सभा २ को प्रदेशसभा (क) बाट नेकपा एसका लक्ष्मण लम्साल प्रदेशसभा सदस्यमा विजयी भएका छन्। लम्सालले आफ्ना निकटतम् प्रतिद्वन्द्वी नेकपा एमालेका उम्मेदवार कुमार खकुरेललाई १८८ मतान्तरले पराजित गरेका हुन्।
मुख्य निर्वाचन अधिकृतको कार्यालय धुलिखेलका अनुसार नेकपा एसका लम्सालले १९ हजार ४ सय ८ मत प्राप्त गरि प्रदेश सभा सदस्यमा विजयी भएका छन्। उनका निकटतम् प्रतिष्पर्धी नेकपा एमालेका उम्मेदवार कुमार खकुरेलले १९ हजार २ सय २० मत प्राप्त गरेका छन्। अघिल्लो ०७४ को निर्वाचनमा सोही क्षेत्रबाट लम्साल नेकपा एमालेबाट प्रदेश सभा सदस्यमा नै विजयी भएका थिए।
लम्साल एमाले पार्टी विभाजन हुँदा नेकपा एसमा बसेका थिए। अहिले प्रदेश सभा सदस्यमा विजयी लम्साल बाम लोकतान्त्रिक गठबन्धनका साझा उम्मेद्वार हुन्।
प्रतिक्रिया दिनुहोस !
