सुनसरी ३ मा विजय गच्छदारलाई पछि पार्दै एमालेकी भगवती चौधरी अग्रस्थानमा
मंसिर ९, २०७९ शुक्रबार १०:१२:०
सुनसरी : सुनसरी क्षेत्र नम्बर ३ को प्रतिनिधि सभा सदस्य निर्वाचनको प्रारम्भिक मत गणनामा कांग्रेस नेता विजय गच्छदारलाई पछि पार्दै एमालेकी भगवती चौधरी अग्रस्थानमा छिन्।
चौधरीले ११ हजार ७१६ मत प्राप्त गर्दा गच्छदारले ७ हजार ३२३ मत प्राप्त गरेका छन । २०४८ सालदेखि निरन्तर चुनाव लडेर पटक- पटक मन्त्री बनेका गच्छदारलाई यसपटक संसद भवन प्रवेशमा ब्रेक लाग्ने भएको छ ।
सुरुवातमा नेपाल स्वतन्त्र पार्टीका कमल बाबू मैनालीले अग्रता लिए पनि उनी हाल तेस्रो स्थानमा झरेका छन्। उनले ४ हजार ८५५ मत प्राप्त गरी चौधरी र गच्छदारलाई पछ्याइरहेका छन्।
विजयसँग दुईपटक पराजित भएकी चौधरी तेस्रो पटको प्रतिस्पर्धामा जित तर्फ अगाडि बढेकी छन्।
प्रतिक्रिया दिनुहोस !
