काभ्रे : काभ्रे प्रतिनिधि सभा क्षेत्र नं १ मा माओवादी केन्द्रका नेता सूर्यमान दोङ (लालध्वज) विजयी भएका छन्। नेकपा एमालेका केन्द्रिय सदस्य रेशम लामालाई ३ हजार ९ सय ६४ मतले पछि पार्दै सत्ता गठबन्धनका उम्मेदवार दोङ विजयी भएका हुन्।
निर्वाचन आयोगका अनुसार दोङले ३४ हजार ५ सय १२ मत प्राप्त गरेका छन् । उनका निकटतम प्रतिद्वन्द्वी लामाले ३० हजार ५ सय ४८ मत प्राप्त गरेका छन्। दोङ २०७० को दोस्रो संविधानसभाको निर्वाचनमा भने साविकको निर्वाचन क्षेत्र नं १ मा नेपाली काँग्रेसका उम्मेदवार तिर्थ लामासँग पराजित भएका थिए ।
काभ्रेका कुल मतदाता ३ लाख १० हजार ६३ मतदातामध्ये क्षेत्र नं १ मा १ लाख ५२ हजार ६ सय २१ मतदातामा रहेकोमा ५९ हजार १ सय ४९ मत खसेको थियो । दुई प्रतिनिधि सभा क्षेत्र र चार प्रदेश सभा क्षेत्र रहेको काभ्रे जिल्लामा सबै क्षेत्रको प्रत्यक्ष तर्फको मतपरिणाम सार्वजनिक भइसकेको छ ।
प्रतिनिधि सभा २ मा नेकपा एमालेका उम्मेदवार गोकुल बाँस्कोटा विजयी भएका छन्।
प्रतिक्रिया दिनुहोस !
