हेटौंडा : धरानचतरा सडकखण्डअन्तर्गत मकवानपुरको बकैया गाउँपालिका वडा नम्बर ३ मा सवारी दुर्घटना हुँदा एकजनाको मृत्यु भएको छ । मृत्यु हुनेमा मोटरसाइकल चालक बकैया–५ श्रीपुर बस्ने ३० वर्षीय श्याम लामा रहेको जिल्ला प्रहरी कार्यालय मकवानपुरले जनाएको छ ।
मंगलबार राति १० बजेतिर हात्तिसुँडेबाट श्रीपुरतर्फ जाँदै गरेको प्रदेश–२ ०३०१८ प २५५७ नम्बरको मोटरसाइकल अनियन्त्रित भएर सडक छेउमा दुर्घटनामा परेको थियो।
दुर्घटना परी गम्भीर घाइते लामालाई उपचारका लागि हेटौंडा–११ थाहाभर्याङस्थित चुरेहिल अस्पताल ल्याइएको थियो। लगत्तै चिकित्सकले मृत घोषणा गरेको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए ।
प्रतिक्रिया दिनुहोस !
