उदपुरका निर्वाचित प्रतिनिधिले भने- प्रतिबद्धता अनुसारको काम गर्छौं
मंसिर १४, २०७९ बुधबार १४:३:०
उदयपुर: उदयपुरका निर्वाचित जनप्रतिनिधिले जनतासँग गरेको प्रतिबद्धता अनुसारका काम गर्ने बताएका छन् ।
विजयी उम्मेदवारले निर्वाचित भएको प्रमाणपत्र बुझ्दै आफूले जनतासँग गरेका प्रतिबद्धता पूरा गर्ने बताएका छन् । दुई प्रतिनिधि सभा र चार प्रदेश सभा सदस्य गरी ६ निर्वाचन क्षेत्र रहेको उदयपुरका सबै सदस्यलाई निर्वाचन आयोगले निर्वाचित भएको प्रमाणपत्र उपलब्ध गराएको छ ।
उदयपुर क्षेत्र नं १ को मतगणना स्थल त्रियुगा नमूना माध्यमिक विद्यालयमा एक कार्यक्रमकाबीच मुख्यनिर्वाचन अधिकृत कृष्णप्रसाद सुबेदीले विजयी प्रतिनिधि सभा सदस्य डाक्टर नारायण खड्का, प्रदेश सभा सदस्य राजन किराँती र हिमाल कार्कीलाई प्रमाणपत्र दिएका हुन् ।
त्यसैगरी क्षेत्र नं २ तर्फ निर्वाचन अधिकृतको कार्यालय रहेको उदयपुर उद्योग वाणिज्य संघको परिषरमा निर्वाचन अधिकृत जीवनकुमार भण्डारीले विजयी प्रतिनिधि सभा सदस्य अम्वरबहादुर रायमाझी, प्रदेश सभा सदस्य नारायणबहादुर वुर्जामगर र रामकुमार खत्रीलाई प्रमाणपत्र दिएका हुन् ।
प्रतिक्रिया दिनुहोस !
