भक्तपुर : भक्तपुरमा तीन जना महिला स्वास्थ्य स्वयमसेविकालाई सम्मान गरिएको छ। सम्मानित हुनेमा भक्तपुर नगरपालिकाका रामलक्ष्मी दुवाल, सजना कवां र शिवलक्ष्मी दुवाल रहेका छन्।
भक्तपुर नगरपालिकाका प्रमुख सुनिल प्रजापतिले भक्तपुर नगरपालिकाका विभिन्न वडामा खटिरहेका उत्कृष्ट ३ जना सामुदायिक महिला स्वास्थ्य स्वयमसेविकालाई प्रमाणपत्र र नगद पुरस्कारले सम्मान गरेका हुन्।
नगर प्रमुख प्रजापतिले स्वास्थ्य स्वयमसेविकाहरू समाजको सेवा गर्ने सामाजिक कार्यकर्ताका रूपमा परिचालन हुनुपर्ने बताउँदै स्वयमसेविकाहरूले समुदायसँग शिष्ट र सम्मानजनक बोलीमा जनतासँग व्यवहार गर्नुपर्नेमा जोड दिए।
प्रजापतिले स्वास्थ्य स्वयमसेविकाको काम र व्यवहारको मूल्यांकन समाज र समुदायबाट हुने हुँदा जनताको इमानदारिपूर्वक सेवा गर्न प्रेरित गरे ।
प्रतिक्रिया दिनुहोस !
