भक्तपुर : भक्तपुरको सूर्यविनायक नगरपालिका-५ कटुञ्जेको सुवर्णेश्वर मन्दिर परिसरमा बुधबार एक कार्यक्रम गरी १०८ शिवलिंग र सप्तऋषि स्थापना गरिएको छ।
स्थानीय सूर्यविनायक नगरपालिका-५ कटुञ्जे निवासी मोडर्न स्कुल र कलेज दधिकोट र सृजनानगर भक्तपुरका संस्थापक बाबुकाजी कसपालले आफ्नो स्वर्गीय पूर्वज जिजुबुबा काजिमान कसपाल, स्वर्गीय हजुरबुबा रामलाल कसपाल, स्वर्गीय बुबा रत्नलाल कसपाल, स्वर्गीय मुमा च्यान्टीमाया कसपाल र दिवंगत भएका आफना ज्ञातअज्ञात सकल पितृजनहरूको सम्झनामा शिवलिंग स्थापना गरिदिएका हुन्।
आज शिवलिङ्ग प्राण प्रतिष्ठा रूद्री पूजन, लाखबत्ति प्रज्वलन गरी यसको उद्घाटन गरिएको हो। सूर्यविनायक नगरपालिकाका नगर प्रमुख बासुदेव थापाले उद्घाटन गरेका हुन्।
प्रतिक्रिया दिनुहोस !
