भक्तपुर: भक्तपुरको दतात्रयमा शनिबार योमरी (नेवार समुदायले योमरी पूर्णिमाको दिन पकाएर खाने मनपर्ने रोटी) को प्रदर्शनी हुँदैछ। नगरको दत्तात्रयमा दिउँसो २ बजेदेखि साँझ ७ बजेसम्म योमरी प्रर्दशनी गर्न लागेको हो।
प्रदर्शनीमा नगरबासीहरुले योमरीको प्रदर्शन गर्ने छन् । नगरवासीले बनाएका योमरीका परिकार प्रर्दशन हुनेछन् । प्रदर्शनीका क्रममा सांस्कृतिक प्रदर्शनी, खाद्यान्न उत्सव र सन्ध्याकालीन सांस्कृतिक सम्पदा पदयात्रा पनि गरिने छ।
भक्तपुर नगरपालिका वडा नम्बर ९ का वडाध्यक्ष रवीन्द्र ज्याख्वले पर्यटन व्यावसायलाई आर्कषित गर्ने गरी योमरी प्रर्दशनी गर्न लागेको बताए। त्यस क्रममा आन्तरिक तथा बाह्य पर्यटकलाई सहभागी गराई संध्याकालीन सास्कृतिक सम्पदा पदयात्रा गरिने र भक्तपुरको सांस्कृतिक महत्वका सम्पदाको जानकारी दिइने कार्यक्रम रहेको बताए ।
भक्तपुरका सम्पदा क्षेत्र घुम्ने योजनाका भक्तपुर नगरपालिकाले यो कार्यक्रम राखेको उनले बताए । योमरी प्रदर्शर्नीमा योमरी मात्र नभई नेवार समुदायमा बन्ने विभिन्न परिकारको प्रदर्शनी हुनेछ । परिकारसँगै परम्परागत नाचको पनि प्रदर्शन हुनेछ । आजको प्रदर्शनीमा भैल प्याख (नाच) माक प्याख, लाखे प्याख, फाकन्डली प्याख बासुरी बाजाको प्रस्तुति हुनेछ । भक्तपुरको मौलिक जुजु धौ, परम्परागत तरिकाबाट उत्पादित तोरीको तेल र हातले तयार पारेको कालो टोपी अर्थात भातगाउँले टोपी पनि प्रदशनीमा राखिने छ ।
सन्ध्याकालीन सांस्कृतिक सम्पदा पदयात्रा भक्तपुरको दरवार क्षेत्रबाट दिउँसो २ बजे सुरु हुनेछ । त्यसपछि दिउँसो २ बजेदेखि बेलुकी सात बजेसम्म दतात्रयमा योमरी प्रदर्शनी, सांस्कृतिक प्रदर्शनी र खाद्यान्न उत्सव हुनेछ ।
प्रतिक्रिया दिनुहोस !
