धरान : प्रहरीले सुनसरीको धरान उपमहानगरपालिकामा ठूलो परिणामको लागुऔषधसहित कारोबारमा संलग्न छजना पक्राउ गरेको छ । बुधबार राति खटिएको इलाका प्रहरी कार्यालय धरानको टोलीले उनीहरुलाई पक्राउ गरेको हो ।
इलाका प्रहरी कार्यालय धरानका डीएसपी बुद्ध श्रेष्ठले गोप्य सूचनाको आधारमा धरान ३ स्थित सदन रोड , १४ को विजयपुर र धरान ५ को देउरालीका तीन स्थानमा प्रहरीको टोली परिचालन गरी छापा मार्दा छजना कारोबारीसहित ठूलो परिणामको लागुऔषध बरामद गरिएको बताए।
पक्राउ पर्नेमा धरान ३ का ३४ वर्षीय मन्त्री उपनामका मनकुमार श्रेष्ठ, धरान ५ का २६ वर्षीय अमन राई, धरान १४ का २१ वर्षीय रञ्जित तामाङ, १९ वर्षीय नेल्शन याख्या, २० वर्षीय शाहिल भण्डारी र १९ वर्षीय शेखर परियार रहेका छन्।
प्रहरी टोलीले धरान ३ स्थित सदन रोडमा मनकुमारको कोठाबाट फेनेरगन, ३२ एम्पुल, डाइजेपाम ३९ एम्पुल, लुपिजेसिक ३९ एम्पुल र एभिल ४५ एम्पुल बरामत गरिएको डीएसपी श्रेष्ठले बताए ।
त्यस्तै, ट्रामाडोल एक हजार ट्याब्लेट, स्पास्पेइन एकहजार ५ सय ट्याब्लेट बरामत गरिएको उनले बताए ।
त्यस्तै, धरान ५ देउरानलीस्थित अमन राईको घरबाट लागुऔषध ५ हजार ३९ ट्याब्लेट ट्रामाडोल, २ हजार ६ सय ४०ट्याब्लेट स्पास्पेइन बरामत गरिएको डीएसपी श्रेष्ठले बताए ।
धरान १४ का रञ्जित तामाङको घरबाट २ सय ४० ट्याब्लेट स्पास्पेइन र २ सय ५०ट्याब्लेट ट्रामाडोल बरामत गरिएको उनले बताए । त्यस्तै भण्डारी, याक्खा र परिवारको साथबाट ८ ट्याब्लेट स्पास्पेइन र ८० ट्याब्लेठ ट्रामाडोल बरामत गरिएको डीएसपी श्रेष्ठले बताए ।
पक्रा परेका छजनालाई प्रहरीले बिहीबार सार्वजनिक गरेको छ । पक्राउ परेका छजनाविरुद्ध लागुऔषध नियन्त्रण ऐन अनुसार अनुसन्धान सुरु गरिएको डीएसपी श्रेष्ठले बताए ।
उनले धरानमा पछिल्लो समयमा लागुऔषध कारोबारीलाई प्रहरीले पक्राउ गरी कारबाही गर्दा समेत कारोबार भने नरोकिएको बताए । कतिपय लागुऔषध कारोबारी अदालतको आदेशले धरौटीमा छुट्ने र छुटेपछि पुनः लागुऔषको कारोवारमा संलग्न हुने गरेको प्रहरीको भनाइ छ ।
प्रतिक्रिया दिनुहोस !
