धनकुटा : छथरजोरपाटी गाउँपालिका-६ स्थित सिँधुवा बजारमा आगलागी हुँदा तीनवटा घर जलेर नष्ट भएको छ।
धनकुटा नगरपालिकाको दमकल र वसन्तपुरवाट दमकलको सहयोगमा आगो निभाइएको वडाध्यक्ष दिपक गुरुङले बताए।
बस्तीको बीचमा आगलागी भएको थियो। उनका अनुसार आगलागीको कारण खुल्न सकेको छैन।
आगलागी भएको क्षेत्रका अधिकांश काठका घर रहेका छन्। सिँधुवा बजारको मुख्य चोकमा रहेको काउलीको स्तम्भ भए नजिकैको घरबाट आगलागी सुरु भएको थियो।
सिँधुवा बजार कोशी राजमार्ग अन्तर्गत धनकुटा–बसन्तपुर सडक खण्डमा पर्दछ। धनकुटा सदरमुकामदेखि २९ किलोमिटर उत्तरमा पर्दछ।
प्रतिक्रिया दिनुहोस !
