वारागुङ मुक्तिक्षेत्रका ज्येष्ठ नागरिकलाई ब्ल्यांकेट वितरण
माघ १, २०७९ आइतबार १६:५:०
जोमसोम : मुस्ताङको वारागुङ मुक्तिक्षेत्र गाउँपालिकाले पाँचवटै वडाका ज्येष्ठ नागरिकलाई ब्ल्याङकेट वितरण गरेको छ।
हिउँदयामको मौसममा सम्भावित हिमपात र चिसो थेग्न पालिकाअन्तर्गतका ज्येष्ठ नागरिकहरूलाई ब्ल्यांकेट वितरण गरिएको वारागुङ मुक्तिक्षेत्र गाउँपालिकाले जनाएको छ।
पालिकाले ३४७ जना ज्येष्ठ नागरिकलाई न्यानो कपडा वितरण गरेको पालिकाका प्रमुख प्रशासकीय अधिकृत जीतबहादुर रानाले जानकारी दिए।
यसअघि लोमान्थाङ गाउँपालिकाले पनि जाडो छल्न बेसी नझरी गाउँमा बसेका ५५० घरधुरीलाई न्यानो कपडा( ज्याकेट) वितरण गरेको थियो।
उपल्लो मुस्ताङमा बिहान र बेलुकीपख तापक्रम माइनस २० डिग्री र तल्लो मुस्ताङमा माइनस १० डिग्रीमा झर्ने गरेको छ।
प्रतिक्रिया दिनुहोस !
