जनकपुरधाम: मधेश प्रदेश सभाको बैठक र सभामुखको मतदान स्थगित भएको छ । पोखरामा भएको विमान दुर्घटनाको शोकमा सरकारले सार्वजनिक विदा दिएकाले मधेश प्रदेश सभाको बैठक स्थगित गरिएको प्रदेश सभा सचिवालयले जनाएको छ।
प्रदेश सांसदलाई मोबाइलमा एसएमएस पठाएर बैठक स्थगित गरिएको जानकारी दिइएको छ ।
आजको बैठकमा नवनियुक्त मुख्यमन्त्री सरोजकुमार यादवले विश्वासको मत लिने र सभामुखको मतदान हुने कार्यतालिका थियो ।
अब मंगलबार दिउँसो १ बजे बैठक बस्ने सूचना सांसदहरुलाई पठाइएको छ । यसका साथै मंगलबार नै सभामुखको निर्वाचन समेत हुने सचिवालयले एसएमएस मार्फत् जानकारी पठाएको सांसद रामचन्द्र मण्डलले जानकारी दिए ।
प्रतिक्रिया दिनुहोस !
