विराटनगर : ७१ औं अन्तर्राष्ट्रिय भन्सार दिवसका अवसरमा आयोजित मैत्रीपूर्ण फुटबल प्रतियोगिताको उपाधि स्वतन्त्र भन्सार प्रतिनिधि संगठनले जितेको छ।
मंगलबार भएको फाइनल खेलमा ट्रान्स फ्रेट सर्भिसेसलाई १-० गोलान्तरले पराजित गदै संगठनले उपाधि हात पारेको हो। खेलको एक मात्र निर्णायक गोल स्वतन्त्र भन्सार प्रतिनिधि संगठनका आशिष लामाले गरे।
प्रतियोगितामा विराटनगरका स्वतन्त्र भन्सार प्रतिनिधि संगठन, ट्रान्स फ्रेट सर्भिसेस, विराटनगर भन्सार कार्यालय र विराटनगर भन्सार एजेन्ट संघ गरी ४ वटा टिमको सहभागिता रहेको थियो।
खेलको पुरस्कार र ट्रफी भने बिहीबार वितरण गरिने जनाइएको छ।
प्रतिक्रिया दिनुहोस !
