शुक्रबार बिहान मुटुमा समस्या देखिएपछि उपचारका लागि अस्पताल लगिएको थियो। उपचारका क्रममा उनको निधन भएको हो।
दैलेख : दैलेखको महाबु गाउँपालिकाका अध्यक्ष लछुमन गुरुङको निधन भएको छ । ७५ वर्षीय अध्यक्ष गुरुङको शुक्रबार दिउँसो निधन भएको हो । शुक्रबार बिहान मुटुमा समस्या देखिएपछि उपचारका लागि अस्पताल लगिएको थियो।
जिल्ला सदरमुकामस्थित दैलेख जिल्ला अस्पतालमा उपचारको क्रममा उनको निधन भएको हो । महाबु गाउँपालिकाबाट उपचारका लागि उनलाई दैलेख अस्पताल ल्याइएको थियो । उपचारका क्रममा गुरुङको निधन भएको अस्पतालका डा.सुशिला कटुवालले जानकारी दिइन्।
गत बैशाख ३० गते सम्पन्न स्थानीय तहको निर्वाचनमा उनी नेपाली कांग्रेसबाट गाउँपालिका अध्यक्षमा निर्वाचित भएका थिए । दुई हजार ९ सय ७९ मत सहित गाउँपालिका अध्यक्षमा निर्वाचित भएका गुरुङले नेकपा एमालेका हरिप्रसाद उपाध्यायलाई पराजित गरेका थिए।
प्रतिक्रिया दिनुहोस !
