पुतलीबजार नगरपालिकाको आयोजना तथा हिमालयन आँखा अस्पताल पोखराको प्राबिधिक सहयोगमा २ साताब्यापी आँखा शिविर गर्दा शिविरमा जचाउने आउने मध्येमा १५३ जनामा मोतियाविन्दु देखिएको छ।
स्याङ्जा: पुतलीबजार नगरपालिकामा गरिएको नि:शुल्क आँखा शिविरमा १५३ जनामा मोतियाविन्दु देखिएको छ।
पुतलीबजार नगरपालिकाको आयोजना तथा हिमालयन आँखा अस्पताल पोखराको प्राबिधिक सहयोगमा २ साताब्यापी आँखा शिविर गर्दा शिविरमा जचाउने आउने मध्येमा १५३ जनामा मोतियाविन्दु देखिएको छ।
मोतियाबिन्दु देखिएका सबैजनाको पुतलीबजार नगरपालिकामै नि:शुल्क शल्यक्रिया गर्ने ब्यवस्था मिलाइएको नगरप्रमुख तुलसीराम रेग्मीले बताए।
नगरपालिकाले सञ्चालन गरेको शिविरमा ३ हजार ९२८ जनाले आखाँ परीक्षण गराएको नगर स्वास्थ्य अधिकृत इश्वर थापाले जानकारी दिए।
ती मध्ये ७७५ जनालाई निशुल्क चश्मा उपलब्ध गराइएको छ। आँखा परिक्षणका क्रममा करिब १ प्रतिशतमा जलबिन्दु देखिएको प्राबिधिक तेज गुरुङ् र अस्मिता लामिछानेले बताए।
आफनै वडामा आँखाको उपचारसहित नि:शुल्क चश्मा र मोतियाबिन्दुको शल्यक्रिया गर्न पाउने भएपछि स्थानीयबासी खुशी देखिएका थिए। उपचारका लागि अधिकांश जेष्ठ नागरिक आएका थिए।
प्रतिक्रिया दिनुहोस !
