भक्तपुर : भक्तपुरमा जारी दोस्रो भक्तपुर कप-२०७९ खुला फुटबल प्रतियोगितामा द हिलिङ होम एफसी र केदारनाथ सुटर्स फाइनलमा प्रवेश गरेका छन्।
बिहीबार भक्तपुर युवा टिम र द हिलिङ होम एफसीबीचको पहिलो खेलमा खेलको निर्धारित समयमा दुवै टिमबाट ३-३ गोलको बराबरी नतिजा भएको थियो।
दुवै टिमबीच भएको पेनाल्टी सुट आउटमा द हिलिङ होम एफसीले भक्तपुर युवा टिमलाई २-४ गोलले पराजित गरी एफसी फाइनल प्रवेश गरेको हो।
दोस्रो सेमिफाइनल खेलबाट केदारनाथ सुटर्स फाइनल चरणमा प्रवेश गर्न सफल भएको छ। केदारनाथ र गोदावरी युनाइटेड एफसीलाई ३-१ गोलले पराजित गरी केदारनाथ सुटर्स फाइनलमा प्रवेश गरेको हो। भक्तपुर युवा टिमले यही फागुन ५ गतेदेखि प्रतियोगिता सञ्चालन गरेको हो।
प्रतिक्रिया दिनुहोस !
