भक्तपुर : दोस्रो भक्तपुर कप फुटबलको उपाधि हिलिङ होम एफसीले जितेको छ। हिलिङ होम एफसी र केदारनाथ सुटर्सबीच शनिबार भएको फाइनलमा ५-४ गोलले हिलिङले उपाधि जितेको हो।
निर्धारित समयसम्म दुवै टिमले दुई दुई गोल गरेका थिए। पेनाल्टी सुट आउटमा हिलिङ विजेता बनेको हो। पेनाल्टी सुट आउटमा उसले तीन गोल गर्यो।
प्रतियोगितामा विजयी हिलिङले एक लाख २५ हजार नगदसहित ट्रफी, मेडल तथा प्रमाणपत्र पायो भने दोस्रो हुने केदारनाथले नगद ६० हजारसहित ट्रफी, मेडल तथा प्रमाणपत्र पाएको छ।
प्रतियोगिताको अनुशासित टिममा पाण्डुबजार एफसी घोषित भयो। उत्कृष्ट खेलाडीमा केदारनाथका सतिश सुवाल घोषित भए। प्रतियोगिताबाट अनुशासित टिम र उत्कृष्ट खेलाडीलाई नगद १० हजार र ट्रफी प्रदान गरिएको छ।
प्रतियोगिताका उत्कृष्ट मिडफिल्डर, डिफेण्डर, गोलकिपर, कोच र प्रतियोगिताको उदयीमान खेलाडीलाई नगद पाँच हजार र ट्रफी प्रदान गरिएको थियो। भक्तपुर युवा टिमले २०७९ फागुन ५ गते प्रतियोगिता आयोजना गरेको थियो।
प्रतिक्रिया दिनुहोस !
