वीरेन्द्रनगर : कालिकोट जिल्लाको महावै गाउँपालिकाको कुनीमा १३औं जिल्ला स्तरीय राष्ट्रपति रनिङ शिल्ड प्रतियोगिता सुरु भएको छ।
पहिलो दिन १५ सय मिटर र २ सय मिटरको दौड प्रतियोगिता भएको छ। १५ सय मिटर दौडमा सान्नीत्रवेणी गाउँपालिकाका बिमल बम प्रथम, तिलागुफा नगरपालिकाका सोवन शाही द्वितीय, खाँडाचक्र नगरपालिकाका बलप्रसाद पाण्डे तृतीय भएका छन्।
महिलातर्फ खाँडाचक्र नगरपालिकाकी निशा मल्ल प्रथम, महावै गाउँपालिकाकी सुनमाया सिंह द्वितीय, नरहरिनाथ गाउँपालिकाकी अस्मिता बुढा तृतिय भएका छन्।
२ सय मिटर दौडमा पुरुषतर्फ खाँडाचक्र नगरपालिका सविन गिरी प्रथम, पचालझरना गाउँपालिकाका कुम्मराज शाही द्वितीय, नरहरीनाथ गाउँपालिकाका प्रशान्त विष्ट तृतिय भएका छन्।
महिलातर्फ तिलागुफा नगरपालिका अनमोल हमाल प्रथम भएकी छन्। खाँडाचक्र नगरपालिकाका प्रमिला शाही द्वितीय, शुभकालिका गाउँपालिका रमिता भट्टराई तृतीय भएका छन्। प्रतियोगिता १६ गतेसम्म सञ्चालन हुनेछ।
प्रतिक्रिया दिनुहोस !
