डडेल्धुरा : बैंकको चर्को व्याजदरविरूद्ध डेल्धुरा सदरमुकामका व्यापारी आन्दोलित भएका छन् । आफ्नो व्यापार व्यवसाय नै बन्द गरी जिल्ला सदरमुकामका व्यापारी तथा उद्योगी बैंकको चर्को व्याजदरविरुद्ध आन्दोलित भएका हुन् ।
उद्योग वाणिज्य संघ डडेल्धुराको अगुवाइमा सदरमुकाका व्यापारी,उद्योगी बजार बन्द गर्नुका साथै ‘नो डिपोजिट’ कार्यक्रम समेत घोषणा गरेका छन् ।
कर्जा लिएका व्यक्तिलाई जानकारी नदिई बैंक तथा वित्तीय संस्थाहरूले चर्को ब्याज लिएको भन्दै डडेल्धुराका उद्योगी व्यवसायी आन्दोलनमा उत्रिएका हुन् । उद्योग वाणिज्य संघ,वस्तुगत संघ,नागरिक समाज र उद्योगी व्यवसायी व्याजदरविरुद्ध लिखिएका प्लेकार्डहरू र नारा लगाउँदै सदरमुकाम परिक्रममासमेत गरेका थिए।
प्रत्येक दिन बिहान ११ बजेसम्म बजार बन्द गर्ने,१७ गते बैंकमा धर्ना दिने,१८ गते कुनै पनि बैंकमा बचत नगर्ने (नो डिपोजिट) र त्यसपछि थपआन्दोलनका कार्यक्रम तय गर्ने उद्योग वाणिज्य संघका अध्यक्ष द्विजराजभट्टले विरोध सभालाई सम्बोधन गर्नेक्रममा जानकारी दिए ।
लामो समयदेखि आन्दोलन गर्दा पनि सरकारले सुनुवाइ नगरे पछि व्यवसाय नै बन्द गरेर आन्दोलनमा उत्रिनुपरेको वाध्यता रहेको वाणिज्य संघका निवर्तमान अध्यक्ष लोकराज भट्टले बताए ।
समस्याको समाधान नभए थप आन्दोलनका कार्यक्रमसहित अघि बढ्ने आन्दोलित पक्षले जनाएको छ।
यस्तै डडेल्धुराको शिवशिखर सहकारीले संकलन गरेको निक्षेप नियम अनुसार फिर्ता गर्न र लघुवित्त संस्थाको अनुगमन गर्न पनि माग गरेका छन् । लामो समय कोभिडका कारण थला परेको व्यापार अहिले आउँदा लघुवित्त,सहकारी र बैंकले चर्को व्याज लिएर व्यापारीलाई मार्न खोजेको दुखेसो व्यवसायीले गरेका छन्।
चर्को व्याजदरविरूद्ध आन्दोलित व्यापारी। धनबहादुर भण्डारी
प्रतिक्रिया दिनुहोस !
