झापा : स्कुटरको भाइजरभित्र लागू औषध ब्राउन सुगर ल्याउने दुई जनालाई प्रहरीले पक्राउ गरेको छ। पक्राउ पर्नेमा स्कुटर चालक शिवसताक्षी नगरपालिका– १ निवासी २४ वर्षीय प्रजन्त राई र सोही स्कुटरको पछाडि सवार बाँके नेपालगन्ज उपमहानगरपालिका ६ घर भइ हाल बिर्तामोड नगरपालिका– १ मा डेरा गरी बस्ने २१ वर्षीय सोहन भडेल रहेको जिल्ला प्रहरी कार्यालय झापाका डीएसपी खगेन्द्रप्रसाद रिजालले जानकारी दिए।
प्रहरीका अनुसार मङ्गलबार दिउँसो साढे ४ बजे इलाका प्रहरी कार्यालय र लागू औषध नियन्त्रण ब्युरो काँकडभिट्टाबाट खटिएको संयुक्त टोलीले मेचीनगर नगरपालिका– ६ स्थित पुरानो मेची पुलमा भारतबाट नेपालतर्फ आउँदै गरेको मे १० प ३८०७ नम्बरको स्कुटरमा उनीहरूलाई शङ्का लागि चेकजाँच गर्दा ४ ग्राम ब्राउन सुगर फेला परेको थियो।
उनीहरूले स्कुटर भाइजरभित्र लुकाइछिपाइ ब्राउन सुगर ल्याएका थिए। पक्राउ परेका दुबै जनालाई इलाका प्रहरी कार्यालय काँकडभिट्टामा राखेर थप अनुसन्धान भइरहेको जनाइएको छ।
प्रतिक्रिया दिनुहोस !
