काभ्रे : खुला काभ्रे जिल्ला बास्केट बल प्रतियोगितामा पुरुष तर्फ टाइम्स क्लब काठमाडौंले जितेको छ। महिला तर्फ हिमालयन क्लब बुढानिलकण्ठ प्रथम भएको छ। प्रथम हुने पुरुष टिमले नगद २५ हजार, ट्रफी र मेडल पाएको छ भने महिला तर्फ प्रथम हुने टिमले नगद १५ हजार, ट्रफी र मेडल पाएको छ।
त्यसै गरी प्रतियोगितामा पुरुष तर्फ दोस्रो हिमालयन क्लब, महिला तर्फ काभ्रे बास्केट बल टिम दोस्रो भएका छन्। दोस्रो हुन सफल पुरुष टिमले नगद १५ हजार र महिला टिमले ८ हजार नगद, ट्रफी र मेडल हात पारेकाछन्।
प्रतियोगितामा पुरुष २४ टिम र महिला ८ टिम गरी जम्मा ३२ टिमको सहभागिता रहेको थियो। बनेपामा रहेको पोलिटिनिक बास्केट बल कोर्डमा भएको खेलमा नकआउट चरणको खेल खेलाएको थियो।
सिङगल कोर्डमा तीन तीन जना बीच खेलाइएको खेलमा क्लबहरू बीच प्रतिस्पर्धा गरिएको थियो। जुनियर लियो क्लब बनेपाको आयोजनामा भएको उक्त खेलमा काठमाडौं, भक्तपुर, ललितपुर र काभ्रेका बास्केट बल क्लबहरूले सहभागिता जनाएका थिए।
प्रतिक्रिया दिनुहोस !
