रवि लामिछानेको समर्थक र प्रस्तावकमा को को छन् ?

उपनिर्वाचन

रवि लामिछानेको समर्थक र प्रस्तावकमा को को छन् ?
तस्बिर : अन्नपूर्ण
सुन्नुहोस्

चितवन : राष्ट्रिय स्वतन्त्र पार्टीका सभापति रवि लामिछानेले उम्मेदवारी मनोनयन दर्ता गराएका छन् । उनको प्रस्तावक पार्टीका महानगर संयोजक सिता ज्ञवाली र समर्थकमा भरतपुर ११ का संयोजक विक्रम श्रेष्ठ रहेका थिए । 

चितवन क्षेत्र नम्बर २ को उपनिर्वाचनका लागि लामिछानेले उमेदवारी दर्ता गरेका थिए । भरतपुर ११ स्थित विशाल चोकमा रहेको पार्टीको प्रचारप्रसार कार्यालयबाट र्‍यालीसहित लामिछाने निर्वाचन अधिकृतको कार्यालय पुगेका थिए । 

nullआफ्ना समर्थक सहित उनले मनोनयन दर्ता गरेका हुन् । निर्वाचन कार्यालयमा उमेदवारको प्रतिनिधिका रुपमा जिल्ला सहसंयोजक प्रभा ढकाल रहेकी छन् । भरतपुर ४ त्रिचोकमा रहेको लंकु भगवती मन्दिरमा पुजा गरेर लामिछाने मनोनयन दर्ता गर्न पुगेका थिए ।

लामिछानेको नागरिकतासम्बन्धी मुद्धामा दोषी ठहर गर्दै सर्वोच्चले उनको सांसद पद खारेज गरेपछि बैशाख १० मा उपनिर्वाचन गर्न लागेको हो । उपनिर्वाचनका लागि दिउँसो १ बजे नेपाली कांग्रेसले मनोनयन दर्ता गर्दैछ । 

निवर्तमान जिल्ला सभापति जीत नारायण श्रेष्ठले उमेदवारी दर्ता गर्दैछन् । भरतपुरको चौविस कोठीमा भेला भएर कांग्रेसका कार्यकता उमेदवारी दर्ताका लागि जाँदैछन् ।  यस्तै नेकपा एमालेले जिल्ला अध्यक्ष रामप्रसाद न्यौपानेलाई उमेदवार बनाएको छ । एमालेले दिउँसो तीनबजे मनोनयन दर्ता गर्ने कार्यक्रम रहेको छ । 
 


प्रतिक्रिया दिनुहोस !

सम्बन्धित खबर

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.