गुलरिया : बर्दियाको गुलरिया नगरपालिका -४ स्थित बबई (भादा) नदीको जब्दीघाटमा महिलाको शव फेला परेको छ । मंगलबार बिहान भेटिएको शवको पहिचान नभएपछि प्रहरीले हुलिया परिपत्र गरेको छ ।
गुलावी रंगको फुलबाहुला भएको कुर्ता सुरुवाल लगाएको उचाई ५ फिट, उमेर अंदाजी ३०/३५ वर्षीया जस्तो देखिने सडेगलेको अवस्थामा शव भेटिएको जिल्ला प्रहरी कार्यालय बर्दियाका प्रहरी नायव उपरीक्षक हिक्मत बहादुर बोहोराले बताए ।
उनले भने,'पहिचानका लागि हामीले हुलिया सर्वत्र हुलिया परिपत्र गरेका छौं । शव लामो समयदेखि पानीमै रहेको प्रारम्भिक अनुमान छ ।' घटनाबारे अनुसन्धान भइरहेको छ।
प्रतिक्रिया दिनुहोस !
