बागमतीका मुख्यमन्त्री जम्कट्टेलले मन्त्रिपरिषद् विस्तार गर्दैः बहादुर र तीर्थ मन्त्री बन्ने
चैत २६, २०७९ आइतबार १८:१७:१५
हेटौंडा : बागमती प्रदेश सरकारका मुख्यमन्त्री शालिकराम जम्कट्टेलले मन्त्रिपरिषद् विस्तारको तयारी गरेका छन्।
उनले केही बेरमा नै नेपाली कांग्रेसको तर्फबाट २ जना मन्त्री थप गरी मन्त्रिपरिषद् विस्तार गर्ने भएका हुन्।
नेपाली कांग्रेसको तर्फबाट बागमती सरकारमा संसदीय दलका नेतासमेत रहेका बहादुर सिंह लामा र तीर्थ लामा सहभागी हुँदै छन्।
मुख्यमन्त्री कार्यालय स्रोतले दिएको जानकारी अनुसार बहादुर सिंह लामालाई आर्थिक मामिला तथा योजना मन्त्रालय र तीर्थ लामालाई खानेपानी, ऊर्जा तथा सिँचाइ मन्त्रालयको जिम्मेवारी दिन लागिएको हो।
दुवैलाई आजै नियुक्त गरी साँढे ६ बजे सपथ गराउने तयारी रहेको समेत मुख्यमन्त्री कार्यालयले जनाएको छ।
प्रतिक्रिया दिनुहोस !
