कलैया : बारा क्षेत्र नं. २ मा जनता समाजवादी पार्टीका अध्यक्ष उपेन्द्र यादव निर्वाचित भएका छन् । यादव ५ हजार ८१ मतान्तरले निर्वाचित भएका हुन् ।
यादवले २८ हजार ४१५ मत प्राप्त गर्दा जनमतका शिवचन्द्र कुशवाहाले २३ हजार ३३४ मत पाएका छन् ।
यसैगरी एमालेका पुरुषोत्तम पौडेल १० हजार २१६ मत प्राप्त गर्दै तेस्रो स्थानमा रहदा रास्वपाका रमेश खरेलले दुई हजार ८२९ मत पाएका छन् । पाँचौ स्थानमा रहेका आम जनता पार्टीका अरुण ज्ञवालीले दुई हजार ७३८ मत प्राप्त गरेक छन् ।
प्रतिनिधिसभा सदस्यमा निर्वाचित यादवलाई मुख्य निर्वाचन अधिकृत मुकेश उपाध्यायले राती १:४५ बजे प्रमाणपत्र हस्तान्तरण गरेका थिए । प्रमाणपत्र वितरण कार्यक्रममा मुख्यमन्त्री सरोज यादव, प्रमुख जिल्ला अधिकारी नवराज सापकोटालगायत उपस्थित थिए । 
प्रतिक्रिया दिनुहोस !
