काठमाडौं : नक्कली भुटानी शरणार्थी प्रकरणमा दोषी देखिएकाहरूलाई कारबाही गर्न माग गर्दै देशभरि प्रदर्शन भएको छ। शनिबार काठमाडौंको माइतीघर र नक्सालमा प्रदर्शन गरिएको हो।
प्रदर्शनमा पूर्व प्रधानमन्त्री डा. बाबुराम भट्टराई, राष्ट्रिय स्वतन्त्र पार्टीका सभापति रवि लामिछाने, हिसीला यमी, डा. गोविन्द केसी, सांसद सुमना श्रेष्ठलगायत सहभागी भएका थिए। प्रदर्शनमा उनीहरू स्वस्फुर्त रूपमा सहभागी भएका थिए।
उनीहरूले अब भ्रष्टाचार सहन्नौ भ्रष्ट नेता चाहन्नौं, दाइभाउजु मात्र होइन, भ्रष्टाचारी भए मेरै आमाबाबुलाई पनि कारबाही गरलगायतका नारा लेखेको प्लेकार्ड प्रदर्शन गरेका थिए। प्रदर्शनकारीहरुले टोपबहादुर हो कि टापबहादुर भन्दै नारा लगाएका थिए। उनीहरूले भ्रष्टाचारीलाई कारगार लैजानुपर्ने माग समेत गरे।
प्रतिक्रिया दिनुहोस !
