एमाले सचिवहरूलाई प्रदेश इन्चार्जको जिम्मेवारी, काशीनाथले संगठन विभाग पाउँदा प्रचार प्रसारमा राजेन्द्र गौतम
काठमाडौं : नेकपा एमालेले प्रदेश इन्चार्जको जिम्मेवारी हेरफेर गरेको छ। शुक्रबार बसेको सचिवालय बैठकले पार्टीका केन्द्रीय सचिवहरूलाई प्रदेश इन्चार्जको जिम्मेवारी तोकिएको उपमहासचिव प्रदीप ज्ञवालीले बताए।
उनका अनुसार सुदूरपश्चिममा छबिलाल विश्वकर्मा, कर्णालीमा लेखराज भट्ट, लुम्बिनीमा पद्मा अर्याल, गण्डकीमा गोकर्ण विष्ट, मधेसमा योगेश भट्टराई र कोशीमा रघुवीर महासेठलाई प्रदेश इन्चार्जको जिम्मेवारी तोकिएको छ। बागमती प्रदेशमा भने केन्द्रीय कार्यालयले संयोजन गर्ने निर्णय भएको ज्ञवालीले बताए।
त्यस्तै संगठन विभाग प्रमुखको जिम्मेवारी काशीनाथ अधिकारीले पाएका छन् भने प्रचार प्रसारको जिम्मेवारी राजेन्द्र गौतमले पाएका छन्।
त्यस्तै स्थायी समितिहरूलाई जिल्ला र केन्द्रीय सदस्यहरूलाई पालिकाको जिम्मेवारी तोकिएको उपमहासचिव ज्ञवालीले बताए। त्यस्तै एमाले प्रवेश गरेका मुकुन्द न्यौपानेसहित १३ जनलाई केन्द्रीय कमिटीमा मनोनयन गरिएको उनले बताए।