रामेछाप : नगरपालिका–६ सेलेघाटस्थित सुनकोसी र तामाकोसी नदीको संगमस्थल नजिकै आयोजना गरिएको दोस्रो राष्ट्रिय लाउ (डुङ्गा) प्रतियोगिताको उपाधि सुनसरी ‘के’ ले जितेको छ।
डबलतर्फ सुनसरी जिल्ला ‘के’ ले २ मिनेट ३२ सेकेण्डमा दूरी पूरा गर्दै उपाधि जितेको हो। त्यसैगरी डबलतर्फ रामेछापको खाँडादेवी गाउँपालिका–१ कोथबे २ मिनेट ३६ सेकेण्डमा दूरी पूरा गरी द्वित्तीय भएको छ भने सुनसरी ‘बि’ ले २ मिनेट ४१ सेकेण्डमा दूरी पार गर्दै तृतीय स्थान हासिल गरेको छ।
त्यसैगरी सिङ्गलतर्फ सुनसरी ‘ए’ ले ३ मिनेट १४ सेकेण्डमा दूरी पूरा गरी प्रथम भएको छ भने सुनसरी ‘सि’ ३ मिनेट ३२ सेकेण्डमा दूरी पूरा गरी द्वित्तीय र रामेछापको त्रिवेणी क्लबले ३ मिनेट ३३ सेकेण्डमा निर्धारित दूरी पूरा गरी तृतीय स्थान हासिल गर्न सफल भएको बालकृषण माझीले जानकारी दिए।
डबलतर्फ ४ जना र सिङ्गलतर्फ २ जनाको समूह रहेको थियो। डबलतर्फ प्रथम हुने समूहले ४० हजार नगद र प्रमाणपत्र प्राप्त गरेका छन् भने द्वित्तीयले ३० हजार र तृतीयले २० हजार र प्रमाण–पत्र पाएका छन्।
त्यसैगरी सिङ्गलतर्फ प्रथम पुरस्कार नगद ३० हजार र प्रमाणपत्र रहेको थियो भने द्वित्तीय पुरस्कार २० हजार रुपैयाँ र तृतीय पुरस्कार १० हजार रुपैयाँ र प्रमाणपत्र रहेको थियो।
राष्ट्रिय खेलकुद परिषद र मन्थली नगरपालिकाको आर्थिक सहयोग तथा नेपाल माझी उत्थान संघ रामेछाप र न्यू स्टार युवा क्लब मन्थली–६ कुनौरीद्वारा आयोजित १ दिने प्रतियोगितामा दोलखा, सिन्धुपाल्चोक, काभ्रे, रामेछाप, सिन्धुली, सर्लाही र सुनसरी जिल्लाका गरी डबलतर्फ ३५ र सिङ्गलतर्फ ३१ गरी ६६ टिम खेलाडीको सहभागिता रहेको थियो।
प्रतिक्रिया दिनुहोस !
