हेटौंडा : मकवानपुरमा सवारी दुर्घटनामा परी ५२ जना घाइते भएका छन्।
पूर्व–पश्चिम राजमार्ग अन्तरगत हेटौंडा उपमहानगरपालिका-११ नवलपुरस्थित सडकमा चितवनको नारायगढबाट जनकपुरतर्फ गइरहेको ना ६ ख ९८०४ नम्बरको बस अनियन्त्रित भई दुर्घटना भएको हो।
दूर्घटनामा घाइते भएका सबैको पहिचान खुलिसकेको र उनीहरूलाई उपचारका लागि हेटौंडा र भरतपुरस्थित विभिन्न अस्पतालमा पठाइएको जिल्ला प्रहरी कार्यालय मकवानपुरले जनाएको छ।
प्रहरीका अनुसार, घाइतेमध्ये एक जनाको अवस्थामा गम्भीर रहेको र उनलाई चुरेहिल अस्पतालमा सामान्य उपचारपश्चात चितवनको भरतपुर अस्पतालमा रिफर गरिएको छ।
घाइते मध्ये २१ जनाको हेटौंडास्थित चुरेहिल अस्पताल र ३० जनाको हेटौंडा अस्पतालमा उपचार भइरहेको छ। घटनाबारे थप विवरण आउन बाँकी रहेको जिल्ला प्रहरी कार्यालय मकवानपुरका प्रहरी निरीक्षक रामचन्द्र घिमिरेले बताए।
प्रतिक्रिया दिनुहोस !
