भारतीय क्रिकेट टिमका पूर्व कप्तान धोनीको जन्मदिनमा विरगन्जका युवाद्वारा झोला वितरण
असार २२, २०८० शुक्रबार १४:१२:६
वीरगन्ज : भारतीय क्रिकेट टिमका पूर्व कप्तान महेन्द्रसिंह धोनीको जन्मदिन वीरगन्जमा पनि युवाहरूले मनाएका छन्। शुक्रबार परेको धोनीको ४२ ओैं जन्मदिन वीरगन्जमा युवाहरूले परोपकारी कार्य गरेर मनाएका हुन्।
धोनीको जन्मदिनका उपलक्ष्यमा एमएस धोनी फ्यान क्लबका युवाहरूले शुक्रबार विपन्न दलितका बालबालिकालाई स्कुल ब्याग र रिक्सा तथा ठेला चालकहरूलाई पसिना पुछ्ने गम्छा र पानी खाने बोत्तल वितरण गरेका हुन्।
वीरगन्जमा रहेको हाम्रो पाठशालामा अध्ययनरत २५ जना विपन्न दलित बालबालिकालाई स्कुल ब्याग वितरण गरिएको क्लबका अध्यक्ष विक्की सर्राफले बताए।
यस्तै वीरगन्जमा रिक्सा र ठेला चलाउने एक सय जना मजदुरहरूलाई गर्मीमा पसिना पुछ्ने गम्छा र पानी खाने वितरण गरिएको सर्राफले जानकारी दिए। वीरगन्जका विभिन्न स्थानका सडकमा ठेला र रिक्सा चलाउदै भेटिएकाहरूलाई गम्छा र बोतल वितरण गरिएको उनले बताए।
प्रतिक्रिया दिनुहोस !
