हेटौंडा : मकवानपुरमा गएराति भएको सवारी दुर्घटनामा गम्भीर घाइते भएका ३ जनाको मृत्यु भएको छ। चितवनको राप्ति नगरपालिका- ८ का २८ वर्षीय रिहान रुम्बा तामाङ, गोरखाको गण्डकी गाउँपालिका- २ गोर्दीटारका२१ वर्षीय सुमन चेपाङ र मकवानपुर मनहरी गाउँपालिका- ३ का २० वर्षीय अमृत प्रजा रहेको मृत्यु भएको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए।
गएराति १:४५ बजे पूर्व पश्चिम राजमार्ग अन्तरगतको मनहरी ६ नयाँबस्तिस्थित खण्डमा हेटौंडाबाट चितवनतर्फ जाँदै गरेको ना ६ ख ६६६७ नम्बरको ट्रक र विपरित दिशाबाट आउँदै गरेको ना ६ ख ६३१ नम्बरको ट्रक आपसमा ठोक्किँदा दुर्घटना भएको थियो। दुर्घटनापश्चात दुवै ट्रकमा आगलागी भएको थियो।
मृतक तीनै जनाको शव हेटौंडा अस्पतालस्थित शव गृहमा ल्याइएको कार्कीले बताए। दुर्घटनामा उनीहरु गम्भीर घाइते भएका थिए।
सोही दुर्घटनामा परी चितवनको राप्ती -३ का ३५ वर्षीय विवेक तामाङ र मकवानपुरको मनहरी- ३ का ३२ वर्षीय अर्जुनकुमार प्रजा घाइते भएका छन्। उनीहरुलाई उपचारको लागि भरतपुर पठाइएको छ।
यो पनि पढ्नुहोस
प्रतिक्रिया दिनुहोस !
