काठमाडौं : त्रिभुवन अन्तर्राष्ट्रिय विमानस्थलबाट बरामद भएको सुनको तौल जोखिदैछ। सुनको परिमाण के कति छ भनेर राष्ट्रबैंकको टक्सार महाशाखामा सुन पगालिन थालिएको हो।
ब्रेक सुको प्याकिङसहित जोख्दा १५५ किलो भएपनि त्यसमा सुन कति छ भन्ने कुरा जोखिएपछि थाहा हुनेछ। साउन ३ गते विमानस्थलबाट भन्सार चेकजाँच भइ बाहिरिएको एक क्वीन्टल सुन राजश्व अनुसन्धान विभागले बरामद गरेको थियो। बरामद सुन जोख्नका लागि टक्सार महाशाखामा पुर्याइएको थियो।
तर, हालसम्म सुनको तौल जोखिएको थिएन।
सुन मोटरसाइकलको ब्रेक सु र दाह्री काट्ने रेजरमा लुकाएर ल्याइएको थियो। सुन हङकङबाट ल्याइएको खुलेको छ। सुन प्रकरणको अनुसन्धान सुरुमा राजश्व अनुसन्धान विभागले गरेपनि हाल नेपाल प्रहरीको केन्द्रीय अनुसन्धान ब्यूरोले (सीआईबी) गरिरहेको छ।
सुन तस्करी प्रकरणमा हालसम्म विदेशी नागरिकसहित १६ बढी व्यक्ति पक्राउ परेका छन्।
प्रतिक्रिया दिनुहोस !
