विराटनगर : कोसी प्रदेशको मुख्य न्यायाधिवक्तामा कानुन व्यवसायी बुद्धिबहादुर कटुवाल नियुक्त भएका छन्।
सुनसरीको बराहक्षेत्र नगरपालिका-३ का कटुवाललाई मुख्य न्यायाधिवक्ता नियुक्त गर्न मुख्यमन्त्री उद्धव थापाले सिफारिस गरेका हुन्।
मुख्यमन्त्रीको सिफारिसमा प्रदेश प्रमुख पर्शुराम खापुङले संविधानको धारा १६० को उपधारा २ बमोजिम अधिवक्ता कटुवाललाई मुख्य न्यायाधिवक्ता नियुक्त गरेका हुन्।
उनलाई प्रदेश प्रमुखको उपस्थितिमा उच्च अदालत विराटनगरका कायम मुकायम मुख्य न्यायाधीश सत्यमोहन जोशी थारुले सोमबार पद तथा गोपनियताको शपथ गराएका छन्। प्रदेश प्रमुखको कार्यालयमा शपथग्रहण सम्पन्न भएको हो।
प्रतिक्रिया दिनुहोस !
