पाल्पा : तानसेन तम्घास सहायक राजमार्गको पाल्पा जोर्तेमा ढुङ्गासहितको पहिरोले स्कारपियो गाडी पुरिएको छ । तम्घासबाट बुटवलतर्फ जाँदै गरेको लु १ ज ४६०० नम्बरको जिप बिहान सवा ८ बजे पहिरोमा पुरिएको हो ।
प्रहरी र स्थानीयबासीले तत्काल ४ जना घाइतेलाई थप उपचारको लागि मिशन अस्पताल तर्फ पठाएको र अन्य घाइतेहरुको पहिरो र ढुङ्गाले च्यापिएको अवस्थामा रहेकोले उद्धार कार्य चलिरहेको जिल्ला प्रहरी कार्यालय पाल्पाका सूचना अधिकारी विरेन्द्र थापाले जानकारी दिए । तम्घासबाट ८ जना यात्रु लिएर बुटवल तर्फ आउँदै गरेको गाडी रहेको प्रारम्भिक जानकारी आएको उनले बताए ।
घटनामा उद्धार कार्य चलिरहेको प्रहरीले जनाएको छ।
प्रतिक्रिया दिनुहोस !
