विराटनगर : पानी तान्ने मोटरको तारबाट करेन्ट लागेर मोरङको पथरीशनिश्चरे नगरपालिका–६ शनिबार एक जना महिलाको मृत्यु भएको छ।
करेन्ट लागेर ५६ वर्षीय शन्तिला भट्टराईको मृत्यु भएको मोरङ प्रहरीका प्रवक्ता डीएसपी रन्जनकुमार दाहालले जानकारी दिए। उनका अनुसार आफ्नै घरअगाडिको कलमा नुहाउने क्रममा विद्युत प्रवाह भइरहेको मटरको तार छुँदा बिहान ६ बजेतिर करेन्ट लागेर भट्टराई गम्भीर घाइते भएकी थिइन्।
उनलाई उपचारका लागि विराटनगरको नोबेल शिक्षण अस्पताल ल्याइएको थियो। चिकित्सकले बिहान ८ बजेतिर उनलाई मृत घोषित गरेको प्रहरीले जनाएको छ। प्रहरीका अनुसार घटनाको अनुसन्धान भइरहेको छ।
प्रतिक्रिया दिनुहोस !
