मलंगवा : सर्लाही सदरमुकाम मलंगवामा बिहीबार रातिदेखि लगाइएको अनिश्चित कालिन कर्फ्यू सोमबारदेखि खुकुलो बनाइएको छ । दिनमा कर्फ्यू निष्कृय गरिए पनि रातिको समयमा कायमै राखिएको छ ।
गत बिहीबार गणेशको मूर्ति सेलाउने विषयलाई लिएर दुई समुदाय बीच झडप हुँदा बिहीबार राति १० बजेदेखि मलंगवामा अनिश्चितकालिन कर्फ्यू लगाइएको थियो ।
सोमबार बिहानबाट जिल्ला प्रशासन कार्यालय सर्लाहीमा बसेको समन्वय सहजीकरण बैठकले बिहान ४ बजेदेखि राति ८ बजेसम्म कर्फ्यू निष्कृय बनाएको निर्णय गरेको छ । राति ८ बजेदेखि बिहान ४ बजेसम्म अर्को निर्णय नहुन्जेलसम्मका लागि कर्फ्यू कामयमै गरिएको प्रमुख जिल्ला अधिकारी इन्द्रदेव यादवले जानकारी दिएका छन् ।
दिनको समयमा कर्फ्यू हटाइए पनि सर्वसधारणको सुरक्षामा पर्न सक्ने जोखिलाई ख्याल गर्दै कुनै किसिमको भेला,जुलुस, बैठक, प्रदर्शन वा पोष्टर पर्चा जस्ता प्रचार सामग्री टाँस्न वा लेख्न निषेध गरिएको छ । सामाजिक सञ्जालमा सामाजिक सद्भाव विगार्ने खालका हल्ला एवं अफवाह फैलाउने व्यक्तिको पहिचान गरी साइवर अपराध गरेको अभियोगमा कानुन बमोजिम कारबाही गर्ने निर्णय पनि गरिएको छ ।
सार्वजनिक सम्पतिको तोडफोड,आगजनी,ढुङ्गमुढा प्रहार,उच्छृङखल गतिविधिलगायतका विरोध प्रदर्शन गर्ने,सामाजिक सद्भाव विगार्ने खालका घटना घटाउने एवं घटनामा संलग्न जो कोहीलाई कडाभन्दा कडा कारबाही गर्ने निर्णय पनि गरिएको प्रजिअ यादवले बताए ।
प्रतिक्रिया दिनुहोस !
