वीरेन्द्रनगर : नेकपा एमाले कर्णाली प्रदेशको अध्यक्षमा पाँच जनाले उम्मेदवारी दर्ता गराएका छन्। नेकपा एमालेका नेता मीनबहादुर शाही, गुलाबजंग शाह, प्रेमबहादुर सिंह, राजबहादुर शाही र प्रकाश रोकायाले प्रदेश अध्यक्षमा उम्मेदवारी दर्ता गराएका हुन्।
अध्यक्षमा उम्मेद्वारी दर्ता गराउने मीनबहादुर शाही, प्रेमबहादुर सिंह र प्रकाश रोकाया कालिकोटका हुन्। गुलाबजंग शाह सल्यान र राजबहादुर शाही दैलेखका हुन्। त्यस्तै उपाध्यक्षमा दानिसंह परियार, टेकराज पछाई र लालबहादुर महतराको उम्मेदवारी परेको छ भने सचिवमा रुद्रबहादुर शाही, डण्डी शर्मा र ध्रुवबहादुर शाहीको उम्मेदवारी परेको छ।
उपसचिव खुलामा नारायणकुमार शाह, रविन्द्रराज शर्मा, रमेशकुमार शाही, बखतबहादुर भण्डारी, कमल शाही, धिरेन्द्रराज गिरी, तेजकुमार विकको उम्मेदवारी परेको छ भने समावेशीतर्फ मेनका पछाई र पद्मा खड्काको उम्मेदवारी परेको छ।
त्यस्तै लेखा आयोगको अध्यक्षमा जितबहादुर मल्ल, दीर्घराज न्यौपाने र सुरज थापाको उम्मेदवारी परेको निर्वाचन आयोगले जनाएको छ। आयोगका अनुसार धेरै उम्मेद्वारी परेका सबै पदमा फिर्ता लिनका लागि शनिबार बिहान ८:३० बजेसम्मका लागि समय तोकिएको छ। शनिबार दिउँसो १२:३० बजेबाट मतदान हुने छ।
प्रतिक्रिया दिनुहोस !
