राष्ट्रहित र संविधानविरोधी काममा सरकार लाग्यो : ओली

काठमाडौं : नेकपा एमालेका अध्यक्ष केपी शर्मा ओलीले राष्ट्रहित र संविधान विरोधी काममा सरकार लागेको बताएका छन्। मंगलबार प्रतिनिधिसभाको बैठकलाई सम्बोधन गर्दै ओलीले  राष्ट्रिय स्वाभिमान र गौरब विरोधि, जनहित विपरित काममा सरकार व्यस्त भएको दाबी गरेका हुन्।

‘अहिलेसम्म प्राप्त गरेका राजनीतिक उपलब्धिहरु समाप्त पार्न र विकास निर्माणलाई अवरुद्ध पार्न, विदेश सम्बन्ध खल्बल्याउन र सम्पूर्ण राज्य प्रणालीलाई विश्रृखलित बनाउन यो सरकार दत्तचित्त भएर लागेको छ।’ओलीले भने, ‘सरकारमा मन्त्री हुनु र पाउनु मात्रै, मन्त्रीमा टाँसिन मात्रै हामीलाई जनताले छानेर पठाएका होइनन्। जनतालाई हामीलाई विश्वास गरेर, मत दिएर, जिताएर पठाउनुको अर्थ हामी जनताका कुरा बौलौं, जनताका पक्षमा उभिऔं, विकासका पक्षका उभिऔं। भ्रष्टाचार र कमिशनतन्त्रका विरुद्ध, देशका पक्षमा उभिन पठाएका हुन्। गन्तव्य चाहिँ मन्त्री मात्र हुन सक्छ ?’

ओलीले सरकारमा बसेर ब्लाकमेलिङ मात्र गरिरहेको बताए।