बालबालिकाको अधिकार स्थापित गर्न थप लगानी गर्छौं : मन्त्री आचार्य
असोज २४, २०८० बुधबार १५:४२:२२
काठमाडौं : महिला, बालबालिका तथा ज्येष्ठ नागरिक मन्त्री सुरेन्द्रराज आचार्यले बालबालिकाको अधिकार स्थापित गर्न राज्यले थप पहल र लगानी गर्ने प्रतिवद्धता जनाएका छन्।
अन्तर्राष्ट्रिय बालिका दिवसका अवसरमा राष्ट्रिय बालअधिकार परिषद्ले बुधबार काठमाडौंमा आयोजना गरेको कार्यक्रममा मन्त्री आचार्यले बाल अधिकारको सचेतनाकोका साथै बालबालिकाको अधिकार स्थापीत गर्न राज्यले थप पहल र लगानी गर्ने प्रतिबद्धता जनाएका हुन्।
उनले सचेतनाको अभावका कारण गर्भमै लिङ्गको पहिचान गर्ने, बालबालिका हराउने र जोखिममा पर्ने, बालविवाहमा पर्ने विविध समस्याहरुको न्यूनीकरणका लागि सरकार गम्भीर रहेको जिकिर गरे। बालअधिकारको सुनिश्चितताका लागि तीनवटै तहका सरकारबीच सहकार्य र समन्वय हुनुपर्ने उनको भनाइ छ। त्यस्तै मन्त्री आचार्यले बालअधिकारसम्बन्धी अन्तर्राष्ट्रिय महासन्धि र राष्ट्रिय ऐन, नियम र नीतिको कार्यान्वयनमा सवै पक्ष गम्भीर हुनुपर्ने जिकिर गरे।
सन् २०११ देखि हरेक अक्टुबर ११ मा अन्तर्राष्ट्रिय बालिका दिवस मनाइने गरिएको हो। दिवसको यस बर्षको नारा ‘बाल अधिकारमा लगानी : हाम्रो नेतृत्व र सहज जीवनयापन’ रहेको छ।
प्रतिक्रिया दिनुहोस !
