इजरायल- हमासबीच युद्ध : गाजामा अल-जजिराका पत्रकारको परिवार मारियो
कात्तिक ९, २०८० बिहीबार ११:३१:८
एजेन्सी : इजरायल -हमासबीच आक्रमणमा परी अल- जजिरा मिडिया नेटवर्कका संवाददाताको श्रीमती र दुई छोराछोरीको मृत्यु भएको छ। इजरायली हवाई आक्रमणबाट गाजा संवाददाता वेल अल-दहदौको श्रीमती र छोराछोरी मारिएको अल-जजिराले जनाएको छ।
उनीहरू उत्तरी गाजाबाट भागेर शरणार्थी शिविरमा बस्दै आएका थिए। यस घटनाबारे भने इजरायली सेनाले केही बोलेको छैन।
अल-जजिराले प्रत्यक्ष टीभीमा संवाददाता वेल अल - दहदौलाई श्रीमती,छोरा र छोरीको शव समातेको देखाएको थियो। अल-जजिराका अनुसार संवाददाताको परिवार गाजाको नुसिरत शरणार्थी शिविरमा बस्दै आएका थिए। सोही क्रममा इजरायली हवाई आक्रमणबाट उनीहरू मारिएका हुन्।
इजरायलको चेतावनी पछि वेल अल दहदौले आफ्नो परिवारसहित उत्तर गाजा छोडेर दक्षिणी गाजा गएको अल-जजिराले जनाएको छ।
प्रतिक्रिया दिनुहोस !
